الطفلة بتول تتخلي عن شعرها وتعطي درساً في العطاء ..صور وفيديو
أعطتنا الطفلة بتول درساً في العطاء، حيث تبرعت بشعرها هي ووالدتها للاطفال مرضي السرطان الذي أدت أعراض علاجة لساقط شعرهم بالكامل.
قصة تبرع الطفلة بتول
قالت والدة بتول في تصريحات خاصة لـ موقع الأول : ” كان نفسي اتبرع بشعري لمرضي السرطان وموضوع التبرع بدأ لما كنت بقلب في الفيسبوك وشوفت بوست عن التبرع لمرضي السرطان بالشعر وحد منشن لـ مها أمير وهي سيدة اتبرعت بشعرها وعاملة مبادرة عن التبرع بالشعر لمرضي السرطان وأول ما شوفت المنشن دخلت علي صفحتها وأول حاجة قريتها لما دخلت صفحتها قصه لبنت مريضة سرطان من سن بنتي بتدور علي باروكة وقلبي وجعني عليها خاصة أنها من نفس سن بنتي ، أنا شعري طويل جدا وكان دايما صعب عليا أني أقصه لكن لما شوفت البوست قررت أني هتبرع بشعري ، وحكيت لبتول وبمجرد سماعها القصة أتاثرت جدا وقالت أنا كمان معاكي يا ماما “.
تبرع بتول ووالدتها بالشعر لمرضي سرطان من نفس عمر بتول
وأضافت والدة بتول لـ موقع الاول : ” بتول شعرها طويل جداً ومتعلقة بيه ودايماً لما كنت أحاول معاها تغير أستايل شعرها أو تقصه ترفض لكن لما سمعت بقصة البنت أصرت أنها تتبرع بشعرها وقررنا أننا هنتبرع أنا وهي بـ 20 سنتي من شعرنا ، لكن لما روحنا الكوافير أستاذ سامح صاحب الكوافير قاس ضفيرة بتول لقيها 40 سنتي وبتول قررت أنها هتتبرع بالضفيرة كلها للطفلة، وأنا ضفيرتي قيسناها لقيناها 47 سنتي وقررت أنا كمان أتبرع بالضفيرة كلها للطفلة” .
كما قالت أيضاً عن بتول :” بتول بنتي طيبه جداً وأتربت علي مساعدة الأخرين ولما بتشوف أي حد محتاج مساعدة بتتأثر جدا وبتُصر علي مساعدته ، بتول ماندمتش أنها قصت شعرها وقالت أن شعرها هيطول من تاني لأنها أدته لحد محتاجه وباباها شجعها”.
قصة الطفلة التي جعلت بتول تقص شعرها ..فيديو
الطفله بتول 9 أعوام بالصف الثالث الابتدائي من محافظة المنيا مركز ملوي، تـأثرت بتول ووالدتها بفتاة من نفس عمر بتول مريضة بالسرطان وتبحث عن باروكة “شعر مستعار” علي أحد مواقع التواصل الاجتماعي وهو ما جعل بتول ووالدتها يتبرعان بـ40 سنتيميتر من شعر بتول و 47 سنتيميتراً من شعر والدتها في أحد صالونات تصفيف الشعر بملوي رغبةً منهم في إسعاد مرضي السرطان ومساعدتها في العثور علي شعر مستعار تعويضاً عن شعرهم الذي سرقه منهم المرض وذلك بتشجيع وفخر من الأب بموقفهمها البطولي.
شاهد الفيديو..
كتبت-هلبيس هاني:
